Dantzak emakumearen ahalduntzean duen eraginaren inguruan hausnarketa egingo dute, hilaren 15ean eta abenduaren 2 eta 9an.
Martindozenea Gaztelekuan egingo dute hirugarren eta azken saioa, abenduaren 9an.
Bidasoako Su Txikian elkarte feministak [
ikus HITZAk argitaratutako erreportajea] jardunaldi bereziak antolatu ditu, ‘Emakumeak, Gorputzak eta Dantza’ izenburupean, hilaren 25etik abenduaren 9ra bitarte. Dantzak emakumearen ahalduntzean duen eraginaren inguruan hausnarketa kolektiboa burutzeko helburuarekin ekin diote egitasmoari.
Hiru saio ezberdin burutuko dituzte, eta elkarteko kideen hitzetan, bertan, “egungo gizartean kanpotik iristen zaizkigun mezuak zalantzan jarri eta aztertuko ditugu” (sexualitatearen adierazpen askea, lotsak, tabuak, kulpa edota estereotipoen transmisioari buruz ariko dira). Ondorengoak dira hiru saioak:
- Azaroaren 25ean, Palmera Montero Gunean, akademietako arduradun eta irakasleei zuzendutako jardunaldia egingo dute, 16:30tatik 18:00etara.
- Abenduaren 2an, Dunboa eskola publikoan, 15 eta 30 urte bitarteko emakumezko gazteei zuzendutako jardunaldia, 16:30tatik 18:00ak bitarte.
- Abenduaren 9an, Martindozenea Gaztelekuan, hirugarren eta azken saioa egingo dute, 17:00etatik 18:30tara.
Saio guztiak Kotte Susperregi sexologoak bideratuko ditu. Informazio gehiago,
Su Txikian elkartearen helbidean kontsulta daiteke.
