San Cristobalgo gotorlekuko presondegiaren gaineko erakusketa da. Gure Moradan bisita daiteke, hilaren 23ra arte. Hitzaldiak ere egongo dira.
San Cristobal gotorlekua espetxe gisa erabili zuten frankistek.
Irungo Podemosen egoitzan, Gure Mordan, memoria historikoari keinua egingo diote datozen egunetan. Batetik, gaurtik hilaren 23ra arte
Lur azpitik lur azaleratuz erakusketa egongo da zabalik, eta horrekin lotuta, bi hitzaldi antolatu dituzte.
Erakusketan, San Cristobal gotorlekuan egindako
presoen ihesaldiaren gainekoak azaltzen dira; San Cristobal gotorlekuko ihesa 1938ko maiatzaren 22an Ezkabarteko (Nafarroa) Ezkaba mendiaren gainean zegoen San Cristobaleko gotorleku-espetxetik 795 presok egindako ihesaldia izan zen. Kopurua kontuan hartuta, mundu osoko inoizko ihesaldi handienetarikoa da. Gainera, Botilen hilerrian egindako hobi ateratzeen gaineko informazioa ere egongo da ikusgai; hilerri horretan Ezkabako presondegian izan zirenen gorpuak zeuden.
Lehen hitzaldia gaur bertan da (asteartea), 19:30ean. Koldo Pla historialariak
Ezkaba, espetxe frankisten ihesaldi handia dokumentala aurkeztuko du, eta ondoren solasaldia izango da.
Hurrengo hitzaldia hilaren 18an da. Pako Etxeberria antropologo eta forentseak
Hilobiak irekiz, duintasunak berreskuratuz izenburupean solasaldia emango du, 19:00etan hasiko dena.