Gaur, 11:00etan, Alai enpresa parean 24 orduko lanuztea eta elkarretaratzea egin dute, familia eta lagunei babesa adieraziz.
Alai enpresako langileak gaur elkarretaratu dira enpresa parean. Argazkia: Antxeta Irratia.
Joan den ostiralean, hilak 7, Irungo Plasticos
Alai enpresako langile bat hil zen, gainean zaku handi bat erori ostean. Gaur, 11:00etan, Alai enpresan, 24 orduko lanuzteaz gain, elkarretaratzea egin dute goizean, familia eta lagunei babesa adierazi eta langileek pairatzen dituzten lan arazoak salatzeko.
Lan istripu gehiagorik ez! lelopean egin dute elkarretaratzea. Irungo EH Bildu eta Si se Puede taldeak enpresaren komiteak deitutako elkarretaratzean izan dira. Nabarmendu nahi izan duten bezala, gaurko elkarretaratzean “sindikatu batek bat ez egitea sinestezina” dela aipatu dute.
Gainera, lan istripua salatzeko, Landetxa Auzo elkarteak ondorengo komunikatua atera berri du:
“Landetxa Auzo Elkartetik gure auzoan kokatutik dagoen Plasticos Alai enpresan hil den langilearen familiari elkartasuna agertu nahi diogu. Eta bide batez, azken aldian gertatzen ari diren lan istripuen gorakada salatzeko enpresako batzordeak eta sindikatuek egin duten deialdiarekin bat egiten dugu”.