Jose Antonio Gomez de Arriba eta Claudia Behobide Alkain bidasoarrak garaile Zelaia lasterketa solidarioan

Pasa den larunbatean, hilak 4, Zelaia lasterketa solidarioa egin zuten Irunen.

2017/06/06

Jose Antonio Gomez de Arriba eta Claudia Behobide Alcain sariak jasotzen.

Pasa den larunbatean, hilak 4, Zelaia lasterketa solidarioa egin zuten Irunen. Leberren nerbio optikoaren atrofia gaixotasun arraroa pairatzen duten pertsonen aldeko martxa izan da, Asanol elkarteak (leberren nerbio optikoaren atrofia pairatzen duten pertsonei laguntzeko elkartea) antolatuta. Jose Antonio Gomez de Arriba eta Claudia Behobide Alkainek eraman dute lehen saria. Gizonezkoen lehen postua Jose Antonio Gomez de Arriba irundarrak eskuratu zuen 18 minutu eta 49 segundoko denborarekin. Bigarren, Iñigo Tumas Legorburu hondarribiarra geratu zen, 20 minutu eta 9 segundoz korri egin ostean. Hirugarren postuan Errenteriako Alberto Chacon Calviño iritsi zen, 20 minutu eta 16 segundorekin. Emakumezkoen kategorian, Claudia Behobide Alkain hondarribiarra izan zen lehena helmugara iristen, 23 minutu eta 13 segundoko denborarekin. Bigarren, Irungo Olatz Zabala Dominguez iritsi zen, 24 minutu eta 54 segundorekin. Hirugarren postuan Yune Gonzalez Eguilegor irundarra geratu zen, 25 minutu eta 12 segundoko denborarekin. Zelaia lasterketa solidarioak 6,8 kilometroko ibilbidea izan zuen larunbatean eta Ibarla, Meaka eta Olaberria haranetatik pasa zen. 11:00etan Urdanibiatik aterata, Ibarlarantz abiatu ziren lasterkariak, Errotazar inguruko Ola sagardotegira abiatzeko. Burutaran baserrirantz abiatuz, gorabehera gogorrak dituen bidea jarraitu zuten lasterkariek. Orduan, berriro Urdanibia plazarantz bideratu ziren korrikalariak, lehenengo Zelaia lasterketa solidarioari amaiera emateko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.