Gizarte langile eta profil juridikoko Administrazio Teknikari lanpostu berriak eskaintzen ditu Irungo Udalak.
Maiatzaren 10a bitarte izango dute epea irundarrek lan poltsetan izena emateko.
Irungo Udalak bi lan poltsa berritan izena emateko epea ireki berri du. Ordezkapenak egiteko zerrendak osatzeko azken deialdian, gizarte langile eta profil juridikoko Administrazio Teknikari lanpostuak eskaintzen dituzte.
Izena eman ahal izateko, interesatuek hainbat baldintza bete beharko dituzte. Gutxienez 16 urte dituztenek eta erretiratze adina gainditu gabe dutenek soilik izango dute aukera izena emateko. Gainera, Europar Batasuneko herrialde bateko nazionalitatea izan beharko dute. Zuzenbide edo Gizarte Lanean graduatuak, lizentziatuak edo titulu ofiziala edukitzea beharrezkoa izango da.
Lan poltsetan izena emateko, hilaren 10a bitarte izango dute epea interesa duten guztiek. Informazio gehiago Irungo
webgune ofizialean dago eskuragarri. Gainera, Bezeroaren Arreta Zerbitzuan edota Irungo Arreta Zerbitzuaren
helbidera idatziz, bete beharreko baldintzen zerrenda ikusgai izango dute.