Maiatza Gu Ere Bertsotan egitasmoaren hilabetea da eta hainbat bertso saio antolatu dituzte.
Gu Ere Bertsotan jaialdiaren barruan egindako iazko ekitaldi bat.
Maiatza Gu Ere Bertsotan egitasmoaren hilabetea da. Hamargarren aldiz egingo dute Amaia Kultur Zentroan. Hurrengo asteetarako Irungo ikastola eta ikastetxe mordoek antolatuta, hainbat bertso ekitaldi egingo dituzte.
Hala Belaskoenea, Elatzeta eta El Pilarreko ikasleek, Ander Lizarralde bertsolari irakaslearekin batera, hilaren 9an lehenengo bertso saioa egingo dute. Bertan, Lehen Hezkuntzako 5. eta 6. mailako ikasleak bertsotan arituko dira, azken asteetan egindako lana aurkezteko. Bigarren saioa 16ean izango da, Eguzkitza eta Dunboako ikasleak, Ander Lizarralde eta Jokin Labayen bertsolariekin batera oholtza gainera igoko dira. Hirugarrena 23an egingo dute, Amaia Kultur Zentroan ere. Orduan Toki Alai ikastetxeko ikasleek bertso saioa eskainiko dute, beraien Jokin Labayen irakaslearekin.