Real Union taldeak beteranoen elkartea du. Larunbatean aurkeztuko dute, jokalari ohi txuribeltzek urtero egiten duten bazkariaren harira.
Larunbatean aurkeztuko dute ofizialki beteranoen elkartea.
Urteroko bazkari batetik eta noizean behineko partida bat baino gehiago egin nahi dute. Real Union futbol taldean ibilitako hainbat kide bildu, eta Real Unionen Beteranoen Elkartea sortu dute. Larunbatean aurkeztuko dute.
1978tik daramate, Jose Irazoki, Jose Ramon Garmendia eta Victor Zabaloren ekimenez bazkaria egiten Real Unionen aritutakoek. Jostailu elkartean bildu ziren orduko hartan. Ordutik, urtero bazkaria egin dute beteranoek, aurten 39.enez. Gainera, hainbat ekitalditarako, Real Unionen 100. urteurrenean —2015ean izan zen—, beteranoek taldea osatu eta partida jokatu zuten Realeko eta Athleticeko beteranoen kontra. Donosti Master Cup lehiaketan ere aritutakoak dira adineko jokalariak, bi talderekin.
Horiek horrela, beste urrats beten beharra ikusi zuten beteranoek. Eta elkartea sortu dute. Larunbatean, urteroko bazkariaz gain, elkarte horren aurkezpena egingo dute. Honakoa da eguneko egitaraua:
- 08:30ean, Gal estadioko bigarren zelaian, beteranoen arteko futbol partida.
- 12:00etan, San Jose Obrero parrokian, hildako jokalari ohien aldeko meza.
- 13:00etan, Real Unionen Beteranoen Elkartea aurkeztuko dute Irungo Atsegiña elkartean.
- 14:00etan, Irungo Atsegiñan ere, adiskidatsun bazkaria eta Victor Zabalori omenaldia.
