Toka jokoa irabazita eta bandera zuria aurkituta, mendi proba irabazi du Josu Belea Makil Idorrian taldeak. Sailkapen orokorreko buruan jarri dira.
Toka irabazi zuten Josu Beleakoek, eta gainontzeko jokoetan ondo aritu ziren
Makil idorrean bezain fin aritu zen Josu Belea lohian eta sailkapen orokorreko buruan jarri da, atzo goiz eta arratsaldez egin zuten mendi proba gozagarrian. Bost jokoz osatu zen jardunaldia eta, horietako bakarrean (Toka), nagusitu zen arren, Josu Belea Makil Idorrian taldea oso ondo ibili zen besteetan; gainera, Guadalupeko igoerako sailkapenari bost puntu gehigarri ematen zizkion bandera zuria ere aurkitu zuten beraiek.
Horrenbestez, aro berriko IV. Herri Olinpiadetako mendi proba irabazi zuten Josu Beleakoek. Bigarren tokian Xerinkeneko Abutardak sailkatu ziren, eta hirugarren tokian bi talde berdinduta, Hok Ez Pattuk eta Mixikuak.
Lehen aldiz egin dute aurten olinpiadetako artzain zakur lehiaketa
Jokoei dagokienez, Ashkoraxek igoera irabazi zuen, Ginkana Hok Ez Pattukek, soka-tira proba Hok Ez Pattukek eta Mixukuek osaturiko talde mistoak, eta artzain zakur lehiaketa, Ashkoraxek eta Mixikuen artaldeak —soka tira eta ardi-proba talde nahasiekin egin zituzten—.
Arrats partean, mendi probako argazki galeria zabal bat publikatuko dugu. Egon adi sare sozialetan!
Olinpiadetako mendi proba. Sailkapena
1.- Josu Belea Makil Idorrean. 18 puntu.
2.- Xerinkeneko Abutardak. 17 pt.
3.- Hok Ez Pattuk. 16 pt.
3.- Mixikuak. 16 pt.
5.- Ashkorax. 15 pt.
5.- Tximista. 15 pt.
7.- Klaro Kon Gas. 14 pt.
8.- Bionttuen Biasoia. 13 pt.
9.- Hirekin Enak Ariki + Kolax. 12 pt.
10.- Barrio Txinokuak. 11 pt.
10.- Ur Karruxa. 11 pt.
12.- Ziplo Lurrera. 10 pt.
13.- Iguñak. 9 pt.
14.- Eskiletako Abortuak. 8 pt.
14.- Nudistak Ta Naturistak. 8 pt.
16.- Putteruan Alabak. 7 pt.
17.- Kalimotxo gainean. 6 pt.
18.- Pexperlantak. 5 pt.
