Aurkaria baino gutxiago izan arren, erakustaldia eman zuten berdeek
Ohorezko Mailako asteburuko ezustekoa eman zuen Hondarribia FE taldeak, lider Anaitasunari 4-1 irabazita. Lehen minututik aldapa gora jarri zitzaion partida azkoitiarrei eta etxekoek oso partida serioa egin zuten. Zorte pittin bat ere eduki zuten, beste batzuetan sartzen ez diren baloiak sartu baitziren larunbatean.
Maila handiko taldea dela erakutsi zuen partidan zehar Anaitasunak, baina defentsan bigun samar azaldu zen eta hori hondarribiarrek aprobetxatu zuten lau gol sartzeko, horietako batzuk ederrak.
Lehen minutuan aurreratu ziren etxekoak. Liderra saiatu, saiatu zen, baina Hondarribiak oso ondo asmatu zuen egin beharrekoarekin, zelaian ondo kokatuz eta kontraerasoan arriskua sortuz. 2-0arekin, azkoitiarrek penalti bat huts egin zuten, eta atsedenaldirako bi minutu falta zirela iritsi zen berdeen hirugarrena.
Bigarren zatiko zazpigarren minutuan, kontraeraso zoragarri batean, laugarrena egin zuen Hondarribiak. Azkoitiko taldeak aldea murriztu zuen, baina azken hogei minutuetan markagailua ez zen berriro mugitu. Beheko bideoan (Anaitasuna taldeak grabatua), larunbateko partidaren laburpena eta azkoitiarren adierazpenak azaltzen dira.
Beste urrats bat
Oso garaipen garrantzitsua izan zen larunbatekoa, Aloña Mendik, Vasconiak, Elgoibarrek eta Beti Gaztek ere irabazi zutelako; behekoetatik Ostadarrek huts egin zuen bakarrik, eta ja Lehen Erregionalera begira dagoen Martutenek. Anaitasunarekin galdu izan balu, berriro jaitsiera postuetara jaitsiko litzateke Hondarribia FE (ikusi sailkapena).
Hurrengo partidan liga erdia izango dute jokoan hondarribiarrek, Aloña Mendiren kontra Oñatin jokatuko baitute. Irabazi nahi dute, baina berdinketa ez litzateke txarra, berdeek lau puntuko aldea mantenduko luketelako.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
