[Galeria] Gozamena izan da mendi proba

Goizean, Guadalupera igo ziren taldeak, bidean zenbait urrats gainditu behar zituztelarik. Eta arratsaldez, beste lauzpabost proba, santutegiko zelaietan.

Asier Perez-Karkamo

Hondarribia

2017/03/27

Eguraldia lagun, olinpiadetako kideek egun pasa bikaina egin zuten Guadalupen

Donostia-Hondarribia Talaia Trail lasterketaren kontrako norabidean hasi zen aro berriko IV. Herri Olinpiadetako mendi proba. Atzo egin zutez, igandez, goiz eta arratsaldez. Goizean, Guadalupera igo ziren taldeak, bidean zenbait urrats gainditu behar zituztelarik. Eta arratsaldez, beste lauzpabost proba, santutegiko zelaietan. Eguerdiko hamabiak aldera abiatu ziren hemezortzi taldeak Zumarditik Guadalupe alderantz —arratsaldean hamasei lehiatu ziren, bi gutxiago—. Bidean, zenbait oztopo gainditu eta pista jaso behar zituzten, haien bandera aurkitu eta Guadalupeko santutegiko zelaian ezarri aurretik. Bazkalostean, proba gehiago: toka jokoa, bandera zuriaren bila —goizeko igoeraren osagarria—, herri kirol ginkana, soka-tira eta artzain zakur lehiaketa. Azken hau lehen aldiz egin zuten, eta espero dugu klasiko bihurtzea. Ze barreak! Josu Belea Makil Idorrean taldeak irabazi zuen atzoko proba, eta lider jarri dira (sailkapen orokorra ikusteko, bisitatu olinpiadetako webgune berezia) baina gozatu, talde guztiek gozatu zuten berdin. Lastima arratsaldean lehiatzerik izan ez zutenak. Horientzat, eta olinpiadetako gazte guztientzat, hona hemen IV. Herri Olinpiadetako mendi probako galeria (Adi!: argazki asko direnez, 2. orritan banatuta daude).

Bisitatu olinpiadetako webgune berezia

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.