Urte hasieran gora egin du aireportuko bidaiari kopuruak

Otsailean jasotako lurreratze eta aireratze operazioen kopuruak behera egin du, baina batez besteko bidaiari kopurua zertxobait igo da.

Asier Perez-Karkamo

Hondarribia

2017/03/14

Bidaiari bat Hondarribiko aireportuan, hegazkin batera igotzen

Hondarribiko Aireportuak urte hasierako datuak jakinarazi ditu, eta onak dira. Urtarrila eta otsaila batuta, 35.929 bidaiari zenbatu dituzte, eta %5,2 egin du gora bidaiarien kopuruak. Otsailean, 425 operazio jaso zituen aireportuak, eta 18.034 izan ziren hil horretan Hondarribitik edota Hondarribira hegazkinez bidaiatu zuten pertsonak. Otsailean behera egin du bidaiarien kopuruak (%1,4), baina kontuan izan behar da iaz 29 egun izan zituela urteko bigarren hilabeteak; jaitsiera hain txikia izateak esan nahi du bataz beste erabiltzaile gehiago izan zirela egun bakoitzean. Operazioei dagokionez bai, jaitsiera handiagoa izan da, %10,7koa. Horretan eragin duten faktoreetako bat eguraldia izan da, otsaileko denboraleek zenbait operazio bertan behera utzi baitzituzten, eta hegaldi batzuk beste aireportu batzuetara desbideratu behar izan ziren. Hortaz, lurreratze eta aireratze gutxiago, baina bidaiari gehiago. Laburtzeko lanak, hastear Dena ongi, gutxi barru hasiko dira Hondarribiko Aireportuko pista laburtzeko lanak. Horrekin, mendeluarren eta, oro har, hondarribiarren aspaldiko eskaera bat gauzatuko da. Pista laburtzeak enpleguan eraginik eduki ez dezan lanean ari dira erakundeak eta orain arte eman dituzten albisteak onak dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.