Ashkorax taldeak irabazi du olinpiadetako ginkana

Ginkana proba eta gero, hiru talde jarri dira lidergoan: Barrio Txinokuak, Josu Belea Makil Idorrean eta Klaro Kon Gas. Ashkorax laugarren postura igo da.

Asier Perez-Karkamo

Hondarribia

2017/03/14

Ginkana proba irabazita, sailkapenean jauzia eman du Ashkorax taldeak

Ashkorax taldeak irabazi zuen larunbatean Alde Zaharrean egin zen Hondarribiko IV. Herri Olinpiadetako ginkana proba. Bai, bai, aro berriko ginkana irabazi dute beteranoek, 16 puntu pilatuta. Olinpiadetan parte hartzen ari diren 18 taldeetatik —larunbatean 15 lehiatu ziren—, garai bateko jokoetan parte hartu izandako talde bakarra da Ashkorax eta, nonbait, oraindik sasoiko daude. Sei jokoz osaturiko ginkana izan zen (Boloen jokoa, Hieroglifikoa, Zakuak, Globoak, Oztopo-lasterketa eta Ura aurpegian), eta denetan pilatutako denborak kontuan izanik, Ashkoraxekoak izan ziren azkarrenak. Atzetik Eskiletako Abortuak eta Klaro Kon Gas taldeak geratu ziren (15na puntu), eta Tximista (14). Garaipenarekin, sailkapeneko nagusiko laugarren koskara igo da Ashkorax, eta hiru talde jarri dira lidergoan berdinduta. Barrio Txinokuak ziren liderrak ginkana iritsi aurretik eta lidergoari eutsi diote, baina Josu Belea Makil Idorrean eta Klaro Kon Gas taldeekin berdinduta (34 puntu bakoitzak). Jarraian beste bi talde gerturatu zaizkie, Bionttuen Bidasoia eta Ashkorax (32 puntu), eta bosgarren tokian Tximista eta Hok Ez Pattuk (29 puntu).

Ikusi ginkanako argazkiak

Bisitatu olinpiadetako webgunea

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.