Amuteko biribilgunea egitea onartu du gaur foru aldundiak

Uda eta gero hasiko dituzte lanak eta bost hilabetez luzatuko dira. Gaur onartu dute Amuteko biribilgunea egiteko proiektua.

Asier Perez-Karkamo

Hondarribia,Irun

2017/03/14

Imanol Lasa foru bozeramailea, gobernu batzordearen ondoren azalpenak ematen

Amuteko biribilgunea egitea onartu du gaur goizean Gipuzkoako Foru Aldundiko Gobernu Batzordeak. Imanol Lasa foru bozeramaileak azaldu dunenez, batez ere udan sortzen diren auto-pilaketei soluzioa emango die azpiegiturak: “Eremu honetan auto-pilaketa handiak egoten dira. Azken urteetan behin baino gehiagotan eskatutako aktuazioa da, eta Foru Gobernuak heldu egin dio. Uste dugu hobekuntza nabarmena ekarriko duela”. Obrak uda eta gero hasiko dituzte, 715.701,86 euroko aurrekontua izango dute eta bost hilabete iraungo dutela uste du aldundiak. Lasak nabarmendu duenez, egungo egoera erabat aldatuko da biribilgunearekin: “Amute auzoan N-638 eta GI-2134 errepideen artean egun dagoen bidegurutzeak zirkulazioa bideratzeko irletak eta semaforoak ditu. Bidegurutzearen funtzionamendua traketsa eta ahalmen gutxikoa da, eta edukiera egunero gainditzen da, batez ere uda garaian”. Horregatik guztiagatik, Amuteko biribilgunea “lehentasuntzat” jo du foru bozeramaileak, nahiz eta hondarribiarrek urte asko daramatzaten biribilgunearen zain. Bide Azpiegituretako departamentuko zerbitzu teknikoek idatzi dute biribilgune proiektua, eta gaur oniritzia jaso du. “Esleipena egin ondoren, lanak irailean hasiko dira, trafiko afekzioak ahalik eta txikienak izateko”, gaineratu du aldundiak. Ospitalekoaren tankerakoa Gaur onarturiko proiektuaren arabera (ikusi beheko irudia), Amuteko biribilguneak 50 metroko kanpoko diametroa izango du, eta hiru bide-adar. Irteeretan ez da aldaketa nabarmenik izango: Hondarribiranzko bide-adarra bi erreietara egokituko da, eta Irun eta GI-636 errepiderako bide-adarrek errei bakarra izango dute. Sarrerak, aldiz, eraztuna baino pixka bat lehenago bi erreira zabalduko dira —ospitaleko biribilgunean bezala—, bidegurutzearen ahalmena handitzeko. Biribilguneari lotuta, hirigintza lanak egingo ditu aldundiak, hala nola, espaloiak eta zerbitzu guztiak berregin, eta bidegorriak sortu. Bidegorri horiei jarraipena ematea faltako da.

Biribilguneari lotuta espaloia berregingo dute, eta bidegorria sortu

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Amuteko biribilgunea egitea onartu du gaur foru aldundiak

Gipuzkoa

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa fundazioak joko interaktibo bat sortu du Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita