Herritarren laguntza behar dute aspaldiko Alde Zaharra erakusteko

Arma Plaza Fundazioak argazki zaharren bilduma egin nahi du, erakusketa egiteko. San Pedro kaleko esperientzia errepikatu nahi dute.

Asier Perez-Karkamo

Hondarribia

2017/03/01

Argazkiak 1970 urtea baino lehenagokoak izan behar dira

Hondarribiko Arma Plaza Fundazioak, Alde Zaharrari buruzko aspaldiko argazki eta postalen erakusketa antolatu du, 2014an San Pedro kalearen inguruan egindakoaren antzera. Txomin Sagarzazu alkate eta Fundazioko presidentearen hitzetan, herritarren parte hartzea ezinbestekoa izango da erakusketa antolatu ahal izateko: “Alde Zaharreko kaleko eguneroko bizitza, merkataritza dendak (barnealdea eta kanpoaldea), jaiak, jolasak, bitxikeriak, garraioa, hotelak, gastronomia, ofizioak, eta abar irudikatzen duten argazkiak izan ditzaketen guztien lankidetza eskatzen du”. Portukoarekin egin zuten bezala, Alde Zaharreko argazkien bilketaz arduratuko den lan-taldea osatu dute; Mikel Jauregik, Javier Sagarzazuk, Jose Mari Lopezek eta Floren Portuk osatuko dute berriro. “Laguntzeaz gain, beraien bilduma pribatuko argazkiak eta postalak batuko dituzte. Duela hiru urteko lan talde bera da eta eskertu nahi diet egiten duten lan handia eta erakusketarako bere bildumetako argazkiak eskaintzea ere”, adierazi du alkateak. Lan-taldeko kide Javier Sagarzazuk herritarrak animatu ditu, lagundu dezaten: “Hain garrantzitsua den gure hiriko zatia den Alde Zaharreko eguneroko bizitza gogorarazten diguten argazki ezezagunak lortzea da gure helburua. Horregatik hondarribiar guztiak animatzen ditugu beraien etxeetan argazki hauek bilatzera eta Arma Plaza Fundazioarekin kontaktuan jartzera”. Zer egin behar den jakiteko, 943 64 46 23 telefono zenbakira deitu edo Arma Plaza Fundazioaren posta elektroniko helbidera idatzi behar da. Erakusketa, udan Martxoa bukaera arte bilduko dituzte argazkiak. Fundazioak jakinarazi duenez, protokolo bat diseinatu dute, “hauek ematea errazagoa izan dadin eta etorkizuneko erakusketarako eskakizun legal guztiak betetzeko”. Udan, Arma Plazan erakutsiko dute bildutako materiala, uztailaren 15etik abuztuaren 31ra arte. Gerora, kalean erakutsiko dituzte, baina hori oraindik ez dute zehaztu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Herritarren laguntza behar dute aspaldiko Alde Zaharra erakusteko

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik