Adinekoen Eguna, ospakizun eguna Irunen

Adinekoen Eguna da ostirala. Horren harira, hiriko zentroetan hainbat jarduera antolatu dituzte.

2016/10/10

Gaur aurkeztu dituzte udal ordezkariek eta adinekoek ostiraleko ekintzak.

Ostiralean da Adinekoen Nazioarteko Eguna. Horren harira, ateak zabalduko dituzte hiriko adinekoentzako zentroek, irundar orok jakin dezan zer egiten duten zentro horietan. Gaur aurkeztu dituzte ostiraleko ekintzak. Belaskoeneako zentroan egin dute agerraldia; bertan lehenengoz egingo dituzte egunari lotutakoak, berria baita. Sergio Corchon Gizarte Ongizateko ordezkariak azaldu du gehienetan elkarlanean egiten direla auzoetako zentro ezberdinetako ekintzak, Belaskoenean kasu: Soroxarta elkarteak gidatzen ditu bertakoak. Edonola ere, Corchonek esan duenez, adineko izateak ez du esan nahi ezerri uko egin behar zaionik, “alderantziz. Egun hori baliatu nahi dugu adinekoek hirian duten garrantzia aldarrikatzeko, eta kolektibo horrek egiten duen lana eskertzeko”. Honakoak dira ostiraleko jarduerak:

10:00etan, Iraso gizarte zentroan, parte hartze soinketa adinekoentzat, Gure Altxor elkartearen eskutik.
10:00etan, Luis Mariano gizarte zentroan, informatika jokoei buruzko belaunaldi arteko tailerrak, Izarbide elkartearen eta La Salle ikastetxearen partaidetzarekin.
11:00etan. eguneko jarduerak inauguratuko ditu Jose Antonio Santano alkateak Irason. Gauza berbera egingo du 10:30ean Luis Marianon.
11:15ean, Irason, dantza erakustaldia eta ikastaroa Gure Altxor elkarteko ordezkarien eskutik. 12:00etan Nagusilaneko abesbatzaren saioa.
11:15ean, Luis Marianoko gizarte zentroan, Jose Maria Castilloren Irun atzo erakusketa zabalduko dute; 11:45ean dantza erakustaldia Makila elkartearen eskutik. 18:00etan, berriz, Mertxe Tranchek hitzaldia emango du, Irunen 250. urteak gaitzat hartuz.
17:00etan, Leka Eneako apartamentuetan, bolero kontzertua Jose Maria Soroa Nagusilaneko boluntarioaren eskutik.
17:15ean, San Migueleko gizarte zentroan, patata tortilla lehiaketa, 18:00etan auzo elkarteko kideen dantzaldia, eta 19:00etan askaria.
17:45ean, Belaskoeneako egoitzan, abesbatza baten emanaldia; 18:45etik aurrera, lineako dantzen eta dantza irekien erakustaldia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.