Fenomenak egun erdia du aurretik oraindik

Arratsaldeko lehen hitzordua Everybody Here Wants You ordiziarrekin izango da, 16:00etan Kasino Zaharrean

2016/10/08

Everybody Here Wants You ordiziarrak lauretan igoko dira Kasino Zaharreko oholtzara.

Fenomena Kultur Elkarteak bere burua aurkezteko antolatutako egun osoko jaialdia aurrera doa. Oraindik ere musikarekin Hondarribiko Alde Zaharrean gozatu nahi dutenek aukera dute horretarako, izan ere Hondarribiako Udalarekin elkarlanean antolatutako Fenomena Hondarribia jaialdiak egun erdia du oraindik aurretik. Goiz partean txikienak izan dira protagonistak. Apezpiku Plazan tailerra izan dute haurrek, eta beraiek sortutakoekin apaindu dituzte ondoren musika emanaldiak hartu dituzten Apezpiku Plazako eta Kasino Zaharreko agertokiak. Arratsaldeko lehen hitzordua Everybody Here Wants You ordiziarrekin izango da, 16:00etan Kasino Zaharrean, eta ondoren, Lakuntzako (Nafarroa) Mandela Selektah taldekoak arituko dira. Joseba Irazoki eta Lagunak, eta Mexikotik heldutako Doon Lope taldeekin amaituko da Fenomena jaialdia. Arratsaldeko Fenomena Jaialdiaren egitaraua:

16:00etan, Kasino Zaharrean. Everybody here wants you (Ordizia). Jeff Buckley zenak 1994an grabatutako Grace diskoa omentzeko sortutako taldea. Ahotsari dagokionez, zailtasun handiko erronka da Grace diskoko abestiak katatzea.
17:15ean, Apezpiku plazan. Mandela Selektah (Lakuntza). Bi orduko maisu eskola Australiako rock musikari buruzkoa. Antipodetako musika ezagutzeko eta munduan izan duen eragina ezagutzeko aukera izango da.
19:15ean, Kasino Zaharrean. Joseba Irazoki eta Lagunak (Bera). Aurkezpenik behar ez dituen multi-instrumentista eta abeslari bikaina. Bakarka aritzeko gai den arren, Hondarribira banda formatuan hurbilduko da.
21:00etan, Apezpiku plazan. Don Loope (Mexiko). 1970.eko Afro beat eta groove doinuak entzungo dira, musika beltza eta indiarra uztartuz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.