Udaberria marraztuko dute Lapurriturrin. Margoketa jarduera egingo dute larunbatean, bertako koloreak jasotzeko.
Aurreko jarduera bat Lapurriturrin.
Larunbatean (hilak 11), zelaian, aire librean margoketa ikastaroa egingo dute Lapurriturriko informazio gunean, Aiako Harriko Parke Naturalean.
Udaberria marrazten izena jarri diote tailerrari, eta helburua da ingurune hori margolanetan islatzea da, “udaberriaren koloreak jasotzea” esan dute udaletik. Urkidi Salaberriaren laguntza izango dute egitasmoan izena ematen dutenek.
Jardueran izena emateko aukera zabalik dago, hilaren 9ra arte (ostegunera arte). Hori egiteko,
udalaren webgunean eman behar da izena. Larunbaterako 10:00etan gelditu dira Lapurriturrin koadroak egiten hasteko.
Miguel Angel Paez udaleko Garapen Iraunkorreko ordezkariak begi onez ikusten du jarduera, “aurrekoetan Lapurriturriren bitartez bertako animaliak edo landareria ezagutzeko aukera izan da. Orain, pintzelarekin bertan dagoena jasotzeko aukera dago”.