Euskal kostaldeko altxorrak ezagutzeko hilabetea izango da martxoa
Arma Plaza Fundazioa kide den Euskal Kostaldeko Museoen Sarean ekitaldi sorta antolatu du martxorako Euskal kostaldeko altxorrak goiburupean.
Euskal Kostaldeko Museoen Sareak martxoa aukeratu du ekitaldi sorta zabala antolatzeko. Euskal kostaldeko altxorrak izenburupean, dozenaka ekitaldi burutuko dituzte, eta, besteak beste, Hondarribiko Arma Plaza Fundazioak eta Irungo Oiasso Erromatar Museoak eta Txingudi Ekoetxeak bat egin dute ekimenarekin.
Hala, hiri harresitua ezagutzeko aukera izango da larunbatean Hondarribian, doan. “Hirigune historikoko eraikin berezienak ezagutzeko aukera paregabea izango da, hala nola, Karlos V.aren gaztelua, Jasokunde eta Sagarrondoko Andra Mari eliza eta Ramery Jauregia”, azaldu du fundazioak.
Bi bisita egingo dituzte, gaztelaniaz eta euskaraz bana. Gaztelaniazkoa goizean egingo dute, 11:30etik aurrera. Eta euskarazkoa, bazkalostean, 16:30etik Arma Plazatik abiatuta. Ez da ordaindu behar, baina ezinbestekoa da aldez aurretik izena ematea. Bi modutara egin daiteke, 943 64 36 77 telefono zenbakira deituta, edo posta elektronikoz.
Besteak beste, gaztelua barrutik ikusteko aukera izango da
