[Argazki galeria] Bidasoarrena da Lezo-Jaizkibel mendi lasterketa

Iker Oliveri hondarribiarrak hirugarrenez eta Alizia Olazabal irundarrak lehenengoz irabazi dute Lezo-Jaizkibel mendiko lasterketa

Urko Etxebeste Petrirena

Hondarribia,Irun

2016/02/22

Korrikalari bat, atzo, helmugara iristen

Gizonetan, hirugarrenez, Iker Oliveri hondarribiarra, eta emakumeetan, Alizia Olazabal irundarra. Horiek atzo Lezo-Jaizkibel mendiko lasterketaren hirugarren ekitaldiak emandako irabazle nagusiak. Biak ala biak, bidasoarrak. Mendiko lasterketen kultura zeharo errotzen ari da Irunen eta Hondarribian, hortaz, ez da harritzekoa atzoko garaipenaren jabeak horiek izatea. Lezotarrak Lasterkari Taldeak antolatutako proba biribila izan zen. Antolakuntza bikainekoa. Eta horri 350 partaideen gogoa eta grina eransten bazaio, are handiagoa da lehiaren dimentsioa. Mimoz prestatzen dute lezoarrek mendiko lasterketa, eta horren araberakoa da emaitza, bikaina. Gizonetan, Joxe Amunarrizekin (hondarribiarra hura ere) lehia bizia izan zuen Iker Oliverik. Hasieran Amunarrizek aurrea hartu zion Oliveriri, eta suebakiko igoeran lanak eman zizkion aurretik Lezon bi garaipen zituenari. Dena dela, esperientziaz baliatuta helmugaratu zen lehena Oliveri, sorpresari zirrikiturik utzi gabe. Mikel Albeniz hirugarren izan zen ia proba osoan, helmugan ere. Emakumeetan, hasieratik bukaerara Alizia Olazabal nagusi. Kategoria handiko lasterketa egin zuen atzo irundarrak, mendiko lasterketetan goren mailan dagoela azalduz. Lurdes Oiartzabal lezoarra ez zuen oso urrun izan, baina ez zuen estuasunean jarri irundarra. Hirugarren posturako, sorpresa. Merezimendu osoz Laida Elizegi zaldibiarra igo zen podiumaren hirugarren koskara. Aurtengo berritasuna, gazteen proba izan zen. Mendiko lasterketen afizioa indartzeko lehia izan zen, 11 partaiderekin. Aitor Irurtzun irurarra eta Tania Arriaran hendaiarra garaile. Emakumeen sailkapena

Alizia Olazabal 1:21:06
Lurdes Oiartzabal 1:22:45
Laida Elizegi 1:25:55

Emakumeen eta gizonen sailkapen osoa Gizonen sailkapena

Iker Oliveri 1:05:45
Joxe Amunarriz 1:06:42
Mikel Albeniz 1:06:56

Gizonen eta emakumeen sailkapen osoa Lezoar onenak

Lurdes Oiartzabal eta Raul Artola

Suebakiko igoeran azkarrenak

Alizia Olazabal eta Iker Oliveri

Gazteen proban garaileak

Tania Arriaran eta Aitor Irurtzun

Gazteen sailkapen osoa

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Argazki galeria] Bidasoarrena da Lezo-Jaizkibel mendi lasterketa

Gipuzkoa

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa ogitartekoak banatzen dituzten herritarrei «jazartzen» eta «zigorra ezartzen» ari zaiela

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik

Renfek autobusekin ordezkatu ditu Tolosa eta Beasain arteko tren zerbitzuak