Irungo gizarte jantokia, 192 erabiltzailerekin iaz

Gizarte jantokia erabili zutenen artean 18.523 menu banatu zituzten iaz. Gizarte elkargunean ere hainbat zerbitzu eman ditu Irungo Udalak

Urko Etxebeste Petrirena

Irun

2016/02/16

Irungo gizarte jantokia

2015ean, Irungo gizarte jantokia erabili zuten 192 erabiltzeen artean 18.523 menu banatu zituzten. Horietatik %80 gizonak izan ziren, eta %20 emakumeak, eta horien adinaren batez bestekoa askotarikoa bada ere, 40-44 adin tartekoak izan ziren gehienak. Maiatzean eman zituzten menu gehien, 1.992. 192 erabiltzaile horien jatorriaren aldetik, Irungo Udalak esan duenez, %36 izan ziren Euskal Autonomia Erkidegokoak edo Espainiako Estatukoak. Oinarrizko beharra dutenei arreta emateko, udal zerbitzuek iaz jasotako datuen berri emateko agerraldia egin du gaur goizean Sergio Corchon Irungo Udaleko Ongizate ordezkariak. Corchonek esan duenez, Irun 2010ean hasi zen ematen zerbitzu horiek gizarte bazterketa arriskuan dauden pertsonentzat, horien oinarrizko beharrak bete daitezen: janaria, higienea, eta inklusio soziala, “Irunen bizi, eta edozein arrazoirengatik zailtasunak dituztenek oinarrizko baliabideak izan ditzaten nahi dugu”. Jantokiaren zerbitzuaz gain, Corchonek nabarmendu du gizarte bilgunearen garrantzia. Bertan dutxak (197 erabiltzaile 2015ean, 1.724 erabilerarekin), arropa garbitzeko zerbitzua (145 erabiltzaile, 1.257 erabilerarekin), edo higiene pertsonal zerbitzua (164 erabiltzaile iaz, 802 erabilerarekin) daude. Horrez gain, gizarte bilgune horretan elkartzeko gunea dago: bertan orientazioa eta aholkularitza zerbitzuak jaso zituzten beharra izan zutenek, 278 erabiltzaile izateraino. Gizarte baliabide horiek guztiak baliatzeko aukera astegunetan dute beharra dutenek, 10:00etatik 14:30era eta 16:00etatik 19:00etara. Hainbat baldintza bete behar dituzte onuradunek, eta Irungo Udaleko Gizarte Zerbitzuek kudeatzen dituzte eskaerak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Irungo gizarte jantokia, 192 erabiltzailerekin iaz

Gipuzkoa

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak

Abuztuaren 11tik 14ra jokatuko dute Donostia Hiria torneoa

Burujabetza eske elkartu dira 180 alkate inguru Bergaran

Ahotsak eta omenaldiak ardatz Donostiako Jazzaldian