Etxean berdindu arren, zazpigarren dago Hondarribia futbol taldea
Ohorezko Mailako Hondarribia futbol taldeak etxean berdindu zuen larunbat bazkalostean Oñatiko Aloña Mendiren kontra (1-1).
Ohorezko Mailako Hondarribia futbol taldeak etxean berdindu zuen larunbat bazkalostean Oñatiko Aloña Mendiren kontra (1-1). Neguko ordutegia izanik, eta tarteka euria egiten zuelarik, jende gutxi hurbildu zen Hondartzako harmailetara, batez ere lehen zatian.
Etxekoek baloiaren jabetza eduki zuten, eta txukun kokatu ziren berdegunean, baloia ondo mugituz. Jabetza bai, baina gol aukerarik sortzeko zailtasun handiak izan zituzten, oñatiarrek ondo defenditu zutelako buruz buru, lerro guztietan presio handia eginez. Hala, kanpokoek ireki zuten markagailua lehen ordu erdia betetzear zenean, eta partida maldan gora jarri zitzaien berdeei. Atsedenaldira arte saiatu ziren, baina aukera garbirik sortu gabe, Aloñak oso ondo defenditu zuelako bere atzealdea.
Bigarren zatian lortu zuen berdinketa etxeko taldeak, eta meritu handikoa izan zela esan daiteke, atsedenaldia eta gero ere oñatiarrek ondo jokatzen jarraitu zutelako. Baina Hondarribia futbol taldea den bezala azaldu zen, gogotsu, dena ematen, berdinketaren bila joateko. Eta lortu zuen.
Etxean berdintzea gutxi dirudi, baina larunbateko aurkaria ez zen erraz gainditzen diren horietakoa. Horregatik, partida amaitzerakoan poza azaldu zuen Mikel Llorente etxekoen entrenatzaileak: “Beste puntu bat beti zailtasunak jartzen dituen arerio gogor baten aurka. Azken 12 puntutatik 10, benetan azpimarratzekoa da taldearen martxa. Orain gure lana gogor entrenatzen jarraitzea da, bolada on honi jarraipena emateko, nahiz eta batzuetan erraza ez den”.
Zazpigarren tokian
Larunbateko berdinketaren ondoren zazpigarren tokian kokatu da Hondarribia, 18 punturekin seigarrenarekin berdinduta (ikusi sailkapena). Hurrengo aurkaria ez da erraza izango. Elgoibarren jokatuko du Hondarribiak, 16 punturekin multzoko erdi-erdian kokatuta dagoen taldearen kontra. Orain arte bost partida irabazi, beste bost galdu eta bakarra berdindu ditu Elgoibarrek.
Defentsan asko presionatu zuen Aloña Mendik
Hondarribia FEren asteburuko emaitzk
Gipuzkoako Ohorezko Maila- Hondarribia-Aloña Mendi 1-1
- Dunboa Eguzki-Hondarribia 1-1
- Hondarribia-Astigarragako Mundarro 0-1
- Hondarribia-Oiartzun 0-4
- Hondarribia A-Dunboa Eguzki 11-1
- Oiartzun B-Hondarribia B 0-5
- Hondarribia-Intxaurdi 2-2
- Hondarribia-Astigarragako Mundarro 3-2
- Lengokoak-Hondarribia 5-3
- Hondarribia A-Hernani B 3-5
- Hondarribia B taldeak atseden izan du
- Hondarribia-Oiartzun 4-2
Erlazionatutako edukiaNeguan hotz egiten du Hondarribiko Hondartzan
