Onik agertu dira itsaskitan desagertu diren bi arrantzaleak
14:00etan alerta laranja ezarri dute, 18:00ak arte. Itsaskitan galdu diren bi arrantzaleak egoera onean aurkitu dituzte.
Egoera onean aurkitu dituzte eguerdian itsaskitan ari zirela Justiz aldean desagertu diren bi arrantzaleak. Arrantzale asko atera da gaur itsaski bila, itsasora nahiz ibaira, marea biziak direla-eta ur maila asko jaitsi dela probestuta. Baina eguraldia azkar zakartu da, eta bat baino gehiago ezustean harrapatu du.
Segurtasun Sailetik jakinarazi dutenez, bi pertsona desagertu dira itsas ertzean, Justiz inguruan itsaskitan ari zirenean. Haiekin zeuden beste arrantzale batzuek eman dute abisua, bistatik galdu dituztenean. 12:00ak aldera izan da gertakaria, eta une horretan ez zen olatu handirik.
Suhiltzaileak, Ertzaintza, Gurutze Gorria eta Itsas Salbamendua irten dira haien bila, eta ordubiak aldera aurkitu dituzte, lehorrean, eta egoera onean.
Alerta laranja
14:00etan alerta laranja ezarri dute, eta gutxienez 18:00ak arte iraungo du. Marea biziak izateaz gain, ipar haizea sartu da zakar, eta olatu handiak sortzen ari dira itsaso zabalean, 3 metro ingurukoak. Itsasgorarekin olatuek itsas ertza gainditu dezakete hainbat gunetan eta ezarritako babes neurriak errespetatzeko eskatu dute.
Alerta laranja
14:00etan alerta laranja ezarri dute, eta gutxienez 18:00ak arte iraungo du. Marea biziak izateaz gain, ipar haizea sartu da zakar, eta olatu handiak sortzen ari dira itsaso zabalean, 3 metro ingurukoak. Itsasgorarekin olatuek itsas ertza gainditu dezakete hainbat gunetan eta ezarritako babes neurriak errespetatzeko eskatu dute.
Erlazionatutako edukiaMarea biziak eta itsaso zakarra, gaurko
