Txiplaoko zebra-bidea hobetzeko eskatu du Abotsanitz-ek

Industria guneko trafikoa "nahasia" eta Txiplaoko zebra-bidea arriskutsua direla uste dute.

Asier Perez-Karkamo

2015/10/12

Zebra-bidea puntu iluna dela uste dute

Hondarribiko Abotsanitz alderdiak Txiplaoko zebra-bidearen segurtasuna hobetzeko eta industria gunea berrantolatzeko neurriak eskatu dizkio udal gobernuari. Oinezkoek zein txirrindulariek errepidea zeharkatzeko erabili beharreko gunea “puntu iluna” dela deritzo oposizioko lehen taldeak, eta industria guneko trafikoa “nahasia”. Alkateari zuzenduriko idatziaren bitartez, Txiplao inguruko segurtasuna hobetzeko neurri gehiago eskatu ditu Abotsanitzek: “Jarri diren segurtasun neurriak ez dira nahikoak. Nahiz eta istripurik ez den izan, behin baino gehiagotan Txiplaoko zebra-bidea gurutzatzen duen oinezkoaren eta biribilgunetik irteten den autoen arteko ezustekoak izan dira, oinezkoa babesik gabe utziz”. Hala, dauden seinaleak baino lehenago beste seinale bat, argiztapena duten seinaleak edota “eskuko semaforo bat” ezartzea proposatu dute, bidegorriak zeharkatzen dituen beste zebra bideetan daudenak bezalakoak. Txiplao hobetu Abotsanitzek gogorarazi duenez, “industria gunetik irteten diren autoek ere zebra bide bera zeharkatzen dute. Horri lotuta, industria gunea bera berrantolatzea eskatu dute, “bertaratzen diren oinezkoen eta autoen nahasketa” dagoelako. Abotsanitzen ustez, “segurtasuna kolokan” dago, erabilera eremuak zehaztu gabe daudelako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Txiplaoko zebra-bidea hobetzeko eskatu du Abotsanitz-ek

Gipuzkoa

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak