Iritsi da Irungo Eskola Kirola

Hilaren 18ra arte dago aukera zabalik izena emateko. Neskei dei berezia egin diete apunta daitezen. Bidasoko Hitza.

2015/09/15

Eskola Kiroleko saio bat, artxiboko irudian

Eskola Kirola, hezitzen duen kirola leloarekin, gaur aurkeztu dute hiriko Eskola Kirolaren sasoi berria. Lehen datu garrantzitsua: egitasmoan izena emateko epea hilaren 18an bukatuko da. Behin izena emandakoekin taldeak osatu ondoren, urriaren 1ean hasiko dira partidak, maiatzaren 31ra arte. LHko 3, 4, 5 eta 6. mailako haurrei dago zuzenduta, eta partidez gain, astean ordubeteko bi entrenamendu egin beharko dituzte partaideek. Izena Irungo ikastetxeetan, kiroldegietan, HAZ bulegoan edo udalaren webgunean eman daiteke. Iaz, 581 umek parte hartu zuten Eskola Kirolean, 45 talde osatuz, 33 kirol hezitzaileren gidaritzapean. Aurten, Josune Gomez Euskara, hezkuntza eta Gazteria ordezkariak agertu duenez, nesken partaidetza areagotu nahi dute, aurreko urteetan mutilekin alderatuz gutxiago izan direlako. Pedro Alegre Kirol ordezkariaren hitzetan, bestalde, egitasmoarekin haurrei kirol aniztasunerako eta bizitza aktiborako aukera ematen zaie. Kirol aniztasuna bermatze aldera, erraketa kirolak, atletismoa, igeriketa, pilota eta errugbia daude aurtengo eskaintzaren barruan, ohikoak dira futbola, saskibaloia eta eskubaloiaz gain. Beste kirol batzuk sustatzeko saiakera ere egingo dela esan dute udal arduradunek. Ikasturte bukaeran, gurasoei zuzendutako jarduerak antolatuko dira. Aurtengo berritasunen artean dago ere udala Gipuzkoako Kirol Egokitu Federazioarekin elkarlanean arituko dela Eskola Kirolan, dibertsitate funtzionala duten meen kirol praktika erraztuz. Euskara eta kuotak Euskara erabiltzeko esparru egokia da Eskola Kirola, Josune Gomez zinegotziak esan duenez, ekintza guztiak euskara hutsean bideratzen baitira: “Euskararentzat gune naturalak eta atseginak berreskuratu nahi ditugu, eta kirola da, zalantzarik gabe, horietako bat”. Programan jarduteko kuota 121 eurokoa da; diru sarrerak bermatzeko errenta jasotzen dutenei 30 euroko kuota berezia aplikatuko zaie. Bietan bi txandatan ordainketa egiteko aukera dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Iritsi da Irungo Eskola Kirola

Gipuzkoa

KASek salatu du «jazarpen poliziala» jasan dutela gose direnei ogitartekoak emateagatik

Palestinarekin Elkartasuna kalera irtengo da Donostiako Aste Nagusian, «sionismoaren eta inperialismoaren» aurka

Donostiako Udalak arreta gune bat jarriko du Aste Nagusian, sexu erasoak prebenitu eta artatzeko

Urnietak bidea urratuko du: Jaurlaritzaren esku utziko du etxebizitza promozio bateko lurren %5

Salatu dute ez dagoela medikurik Donostialdeko etengabeko arretako guneetan

Hilabete osorako musika emaria