Abuztuaren 14ra bitarte, hordartzako kirol azpiegiturak irekiko dituzte asteartetik ostiralera arratsaldez , 16:00etatik 20:00etara, gazteek erabil ditzaten. Erakustaldi eta txapelketa programa osatu du Hondar Kirolak programak.
Aurten ere txapelketak antolatuko dituzte gazte koadrilen artean
Gazteria Departamentuko Prebentzio Komunitarioko Udal Zerbitzuak antolatua, Hondar Kirolak programa abiatu dute aste honetan Hondarribiko hondartzan. XI. Ekitaldia beteko du aurten eta gazte guztiei zuzenduta dago, herrikoak izan edo bisitariak. Prebentzio Komunitarioko Zerbitzuak azaldu duenez, “helburua, aisialdi osasuntsuan oinarritutako gazteei topaketa eta parte-hartze esparru bat eskaintzea da”. Parte hartu nahi duenak, hondartzako kirol instalazioetan kokatu duten etxolara hurbiltzea besterik ez du egin behar. Hor, zalantzak argitu eta jardueretan izena emateko aukera izango du.
Gazteentzat eta gazteei esker egin bete ditu 11 urte Hondar Kirolak programak. Izan ere, Prebentzio Komunitarioko teknikariekin batera, gazte boluntarioak aritzen dira jarduerak dinamizatzen. Aurten, hamabost boluntario daude izena emanda. Abuztuaren 14ra bitarte, hordartzako kirol azpiegiturak irekiko dituzte asteartetik ostiralera arratsaldez, 16:00etatik 20:00etara, gazteek erabil ditzaten.
Batez ere, futbol eta boleibol partidak eta txapelketak antolatuko dituzte, baina beste zenbait kirol ezagutzeko eta praktikatzeko aukera izango da. Animazioak ordutegiaren barruan egingo dira, 17:00etatik 19:00etara. Honakoa da aurten prestatu duten programa:
Erakustaldiak
- Uztailak 8, asteazkena, hondartza eskubaloia.
- Uztailak 15, asteazkena. Hondartza hockeya, Errealeko emakume taldearen eskutik.
- Abuztuak 5, asteazkena, Crossfit erakustaldia Hondarribiko Drakkar zentroaren eskutik.
Txapelketak
- Uztailaren 22tik 24ra, Hondarribiko VI. Beach Soccer Cup txapelketa, gazte animatzaileek antolatua.
- Uztailaren 17an eta abuztuaren 7an, honartza boleibol txapelketa. Fortuna Kirol Klubaren eta Gipuzkoako Boleibol Federazioaren laguntzaz.
Eta horiez gain, Prebentzio Komunitarioko Zerbitzuak jakinarazi du beste hainbat txapelketa antolatuko dituztela Hondar Kirolak programan, batzuk astebetekoak, beste batzuk egunean bertan egitekoak, azkarrak, koadrilen artekoak, eta abar.
