71 proposamen bi milioi euroan islatzeko

Aldundiaren Partaidetzazko Aurrekontuak egitasmoaren barruko batzar erabakitzailea egingo dute hilaren 9an Irunen. 71 proposamen jaso dira Bidasoan, eta horietatik hamar hautatu behar dira. Bidasoko Hitza.

Urko Etxebeste Petrirena

Hondarribia,Irun

2015/07/03

Aurreko Partaidetza Aurrekontuen egitasmoko saio bat

Gipuzkoako Foru Aldundiaren Partaidetzazko Aurrekontuak egitasmoaren barruan, Bidasoan 101 proposamen jaso dira, eta horietatik 71 bete dituzte aldundiak aurrez ezarritako baldintzak. Hau da, proposamen horien artean erabakiko da datozen lau urteetan bi milioi zertan inbertitu eskualdean, hala jasoa gera dadin aldundiaren aurrekontuetan. Eta 71 horietatik hamar lehenesteko batzarra egingo dute hilaren 9an (osteguna), 19:00etan Irungo Caritasen egoitzan (Jose Egino 9-10, atzealdea). 71 horietatik hamar lehenesteko batzarra irekia da, bertan Hondarribiko eta Irungo herritarrek parte har dezakete. Hori egin ondoren, aldundiko teknikariei hautatutako egitasmoen zerrenda helaraziko zaie, horien bideragarritasun azterketa egin dezaten. Ondoko PDFan proposamen horien zerrenda dago, aldundiak emandakoa (elebitan dago). Partaidetzazko Aurrekontuak, Bidasoko 71 proposamenak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.