Garai bateko idoloak, Stadium Galen

Realeko, Athleticeko eta Real Unioneko beteranoen arteko hiruko futbol txapelketa egingo dute bihar (11:30ean) Stadium Galen. Sarrera doan da.

Urko Etxebeste Petrirena

Irun

2015/06/26

Antolatzaileak, atzoko aurkezpenean

Bihar (larunbata), San Pedro eta San Martzial jaien, eta Real Unionen mendeurrenaren ekitaldien barruan, Realeko, Athleticeko eta Real Unioneko beteranoek hiruko futbol lehia jokatuko dute Stadium Galen. 11:30ean hasiko dira partidak. Hiru taldeek, 30 minutuko partidak jokatuko dituzte elkarren kontra, eta horietan emaitzarik onena lortzen duenak irabaziko du lehia. Sarrera doan da. Atzo aurkeztu zuten partida Asier Maestu Real Unioneko kudeatzaileak, Alberto Bixio Gorriz Realeko jokalari ohi irundar eta Realeko jokalari beteranoen elkarteko presidenteak, Real Unioneko beteranoen taldeko bigarren entrenatzaile Javier Vallejok, eta Pedro Alegre udaleko Kirol ordezkariak. Denek ala denek egokitzat jo zuten partida, esanaz Irunen bizi den festa giroarekin bat egiten duela, eta aldi berean Unionen mendeurreneko ekitaldietan parte hartzea ohorea izango dela. Horrela, Realeko taldean izango direnen artean daude Miguel Fuentes, De Pedro, Lopez Rekarte, Luis Perez, Loinaz, Larrañaga, Roteta, Xanti Bakero eta Orbegozo; Athleticen aldetik Irunen espero dira, besteen artean, Orbaiz, Lekunberri eta Huegun. Aldi betean, Real Unionen entrenatzaile Jabo Irureta izango da. Animazioa Partida bakarrik ez. Animazioa ere izango da beteranoen partiden harira. Hala, 10:45ean eta San Juan plazatik abiatuta, kalejira bat egingo da Galera txaranga eta majoreteen parte hartzearekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Garai bateko idoloak, Stadium Galen

Gipuzkoa

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak