Hilaren 21a arte, Gipuzkoako Foru Aldundiaren Partaidetzako Aurrekontuen ekimenean parte hartzeko aukera dute bidasoarrek. Irungo zenbait auzo-elkarte eta bestelako eragilerekin elkarlanean, foru teknikariek eta herritarrek parte hartze tailerrak egingo dituzte.
Hilaren 21a arte, Gipuzkoako Foru Aldundiaren Partaidetzako Aurrekontuen ekimenean parte hartzeko aukera dute bidasoarrek. Irungo zenbait auzo-elkarte eta bestelako eragilerekin elkarlanean, foru teknikariek eta herritarrek parte hartze tailerrak egingo dituzte. Gaur Elatzeta ikastetxean egingo dute tailerra, 19:00etan. Bestela,
www.aurrekontuahobetzen.eus webgunean ere proposamenak egiteko aukera izango dute, hala irundarrek nola hondarribiarrek.
Parte hartzearen bitartez, lurraldeko eskualde bakoitzean 2 milioi euro zertan inbertitu erabakitzeko aukera izan dute herritarrek, baina aldundiaren esanetan, Bidasoan prozesua ezin izan da burutu: “Irungo Udalak eta Bidasoa Bizirik garapen agentziak Foru Aldundiarekin elkarlanean aritzeari uko egin zioten. Laguntza ez emateaz gain, prozesua gauzatzeko oztopoak ere jarri izan ditu Udalak”. Hortaz, eragileekin elkarlanean burutuko dute prozesua.