Dunboa, Urdanibia ingurua, Santiago kalea eta Belaskoeneako goialdea, TAO gune berriak

Dunboa, Urdanibia ingurua, Santiago kalea eta Belaskoeneako goialdea dira eremu berriak. TAO abian den zonalde batzuk zabalduko dituzte. Bidasoko Hitza.

Urko Etxebeste Petrirena

Irun

2015/05/27

TAO makina bat, San Migel auzoan

Ekainaren erdialdera Irungo TAO eremua zabalduko, eta berrantolatuko da. Hala, Urdanibia plazaren ingurua, Santiago kalea, Dunboa eremua eta Belaskoenea auzoaren goialdeko zatiak TAOren barruan sartuko dira. Udalak bertako bizilagunei aldaketaren berri eman die, baita auzo elkarteei ere. Hortaz, eremu horietako autoen jabeek egoiliar txartela eskatzeko aukera badutela adierazi du udalak: Herritarrentzako Arreta Zerbitzuan (HAZ), edo 010 telefono zenbakira deituaz egin daitezke eskaerak, edo informazio gehiago bildu. Eremu berriak bakarrik ez. Jada TAO abian den hainbat eremu aparkatzeko sistemara zabaldu nahi ditu udalak. Kasu horretan zonalde horretako egoiliar txartela dutenek ez dute deus ere egin behar, etxera iritsiko zaie txartel berria. Eremu berrietako biztanleek, ordea, txartelaren eskaera egiteaz gain, kuota ordaindu beharko dute: urte osoko kuota 33,60 eurokoa da, baina ekainetik aurrera txartela eginez gero, aurten 22,40 euro ordaindu beharko lituzkete egoiliar horiek. Irailaren 1etik egiten bada eskaera eta ordainketa, berriz, 11,20. Eremu berrien, lehengoen zabaltzearen eta eskaera egiteko oinarrien gaineko informazioa udalaren webgunean dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.