Enplegua sustatzeko proposamenak azaldu ditu gaur Santanok

Enplegua sustatzeko neurrien artean, irundarren alde egiten duten enpresei laguntza ematea da

2015/05/18

Mondragon Unibertsitatearen sarreran egin ditu gaur adierazpenak Santanok

Ekonomiaz, merkataritzaz eta turismoaz hitz egin du Jose Antonio Santano PSE-EEren alkategaiak gaur. Enpleguaz adierazi du inoiz baino jende gehiago lanean dagoela egun Irunen, “eta nahiz eta udalak hori konpontzeko beharrezkoak diren tresna eta konpetentziak ez dituen, ekimen asko jartzen ari gara martxan. Langabezia da gure kezka handienetakoa”. Langabezia indizea jaisten saiatzeko neurri zehatzak planteatu ditu gaur Santanok. Horien artean daude diru laguntzak ematea langabezian dauden irundarrak kontratatzen dituzten enpresei, trebakuntza gutxi eta 45 urtetik gora dituzten irundarrei “aukerak” ematea, “hiri agenteena bezalakoa”; eta gazteek enplegua bila dezaten laguntza ematea, “Irun BK-k gure gazteentzako lan aukerak emango ditu, eta hauek Talento Made In Irun plataformako kide izango dira, lan merkatuan sartzen laguntzeko”. Merkataritzaz ere hitz egin du alkategaiak, “gure ekonomiaren balore handienetakoa eta gure hiriaren irudia da”. Irungo merkataritza dentsitatea euskal hiriburuetakoa baino handiagoa dela esateaz gain, hori Irun erreferente bihurtu duela uste du Nafarroan eta Ipar Euskal Herrian, “une zailak pasatu ditugu eta zenbait saltoki gaizki pasatzen ari dira, baina denda asko ireki berri dute, eta marka handiek Irunen egon nahi dute”. Hala, K-Biziak egitasmoaren bitartez 50 saltokitik gora ireki direla azaldu du Santanok, eta bide horretan jarraitzeko alde publikoa eta pribatua elkartuko dituen mahaia sortzea proposatu du. Turismoa ere hiriko ekonomian giltzarri izan daitekeela uste du PSE-EEren buruak. Ildo horretan, turismoa erakartzeko ekintza berriak diseinatuko dituela iragarri du, “Irun Berdea, Santiagoko bidea eta Oiassoko mundu erromatarrari lotuta dagoen Irungo berezitasun turistikoa sustatzeko”. Behobian autokarabanentzako gunea indartzeko neurriak proposatu ditu. Azkenik, San Juan plazako hotela irekitzeko apustuarekin jarraitzen duena esan du Santanok.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Enplegua sustatzeko proposamenak azaldu ditu gaur Santanok

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak