Parte hartze prozesuen ordenantza, herritarrekin garatua, nahi du Irungo EH Bilduk

Irungo gobernu taldeak aurrera eraman dituen prozesuak deitoratu ditu koalizioak

2015/04/17

hauteskundeak 2015. Oinatz Mitxelena eta Xabier Olano

Orain arte udalak egin dituen prozesuak ez dira izan EH Bilduren gustukoak

Irungo EH Bilduk “benetako parte hartze prozesuak” eskatu ditu gaur, agerraldian, udaletxearen aurrean. Juan Mari Unanuek eta Itsasne Sagarzazuk azaldu dutenez, prozesu horiek aurrera eramateko udal ordenantza behar da, eta ordenantza hori herritarren partaidetzarekin osatu behar dela ziur azaldu dira, “orain aholku batzordeak daude udalean gehienbat. Teknikoek egiten dituzten txostenak lantzen dituzte bertan”. Eta zer nahi duten esateaz gain, haien ustez parte hartze prozesu bat zer ez den azaldu dute koalizioko kideek: “2015eko aurrekontua osatzeko gobernu taldeak eraman zuen parte hartze prozesua, adibidez, kaotikoa izan zen. Prozesu parte hartzaile eta erabakitzaileak arautu behar dira, horregatik ordenantzaren proposamena, betiere herritarren ekarpenekin”. Hala, herritarren oinarrizko eskubideak kontuan hartu behar direla ere esan du EH Bilduk, “horiek ezin dira bozketa soiletara mugatu. Landu egin behar dira. Ordenantzarekin hori gertatuko litzateke: herritarrek boterea eskuratzeko tresna bat litzateke ordenantza”. Eta horren harira, kalean ekintzak egiteko ordenantza nola egin zen gogora ekarri dute bi ordezkariek, “herritarren parte hartzerik gabe, udaleko teknikariek egindako zirriborroak aintzat hartuz soilik… Horrela ez dira egiten gauzak”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Parte hartze prozesuen ordenantza, herritarrekin garatua, nahi du Irungo EH Bilduk

Gipuzkoa

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera

30 urte bete ditu Eibarko Portaleak, eta «erakusketa handi bat» hartuko du ostiraletik aurrera

Hasi dira Escalerillas eraisten

Bihar irekiko dute Morlansko tunela, oinezkoentzako ere atonduta