Unionek, Socuellamos ahaztu, eta Kopa irabazi nahi du

Ligako partida 1-0 galdu zuen Socuellamosen etxean; Federazio Kopako itzulikoa, ostegunean

2015/04/13

Unionen partida txarra izan zen atzo. Argazkia: Real Union Club / F. Lozano

Ez zuen partida ona egin Real Unionek atzo eguerdian Socuellamosen etxean. 1-0 galdu zuten, eta gola azkar jaso arren (lehen zatiko 13. minutuan), irundarrak ez ziren gai izan egoerari aurre egin eta markagailua iraultzen saiatzeko. Osteguneko Federazio Koparen arrakastaren ajea, beharbada. Hasieratik adierazi zuen Gaztela Mantxako taldeak partidaren bila joango zela. Joko azkarrarekin, gol aukerak sortzen berehala hasi ziren. Unionen lehen aukera ez zen ikusi 25. minutura arte. Baina hortik aurrera ez ziren asko izan eraso saiakerak Aitor Zulaikaren taldearen partetik, bai ordea etxekoenak. Hortaz, 1-0 bakarrik galtzearekin, gaitzerdi. Bigarren B Mailako bigarren taldeko bigarren postuan jarraitzen du talde txuri-beltzak, Huescatik lau puntura. Mailaz igotzeko kanporaketatik at dagoen lehen taldetik, bosgarren postutik, lau puntura dago ere. Baina aste honetan behintzat gauza bakarra izango dute buruan jokalariek eta zaleek: Federazio Kopako itzulikoa Galen. Joanekoaren 0-1ekoa baliatu nahi dute titulua eskuratzeko. Osteguna egun handia izango da Irunen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.