Bai Ahal Da zerrendaren aurkezpena. Ezkerretik eskuinera: Carlos Reglado, Paulina Lorenzo, David Soto, Nuria Moreno eta Javier Oyarbide
Irungo Udalerako hautagai izango da Si Se Puede Irun hautesle elkartearen zerrenda. Bozetan izateko gutxienez 1.500 irundarren bermea edo sinadura behar zituzten, eta horiek erraz lortu dituela jakinarazi dute hautesle elkarteko kideek: atzora arte 2.100ean zegoen sinaduren kopurua. Hala, gutxieneko 1.500 horiek bost egunetan lortu dituztela zehaztu dute.
Podemos Ahal Dugu Irunek bermatutako zerrenda izango da Si Se Puede Irun-ena. Hala, aurreko astean eman zituzten beharrezkoak ziren 1.500 sinadura horiek, eta udaleko idazkaritzak ontzat eman dituela adierazi dute.
Horregatik guztiagatik, eskerrak eman dizkiete hautesleen elkarteko arduradunek sinadura eman dutenei. Eta hilaren 20ra arte horiek jasotzen jarraituko dutela jakinarazi dute.