Hilaren 13tik 18ra eman daiteke izena, iGazte bulegoan edo udal webgunearen bitartez 2001etik 2003ra jaiotako haurrei zuzendutako programa da, euskaraz egiten dena.
Aurten ere, abenturazko uda pasatzeko aukera izango da Hondarribian, Gazteriako udal departamentuak antolatutako Uda Abentura programarekin. Uztailan egingo da, eta 2001, 2002 eta 2003 urteetan jaiotakoek parte har dezakete. “Programa euskaraz egingo da, eta parte-hartzaileek bere taldekide zein monitoreekin euskaraz jarduteko gai izan behar dute”, azaldu du Gazteria departamentuak.
Ohi bezala, bi txanda antolatuko dituzte, uztailaren 1etik 14ra eta 16tik 29ra, bakoitza 40 neska-mutilekin. “Goiz eta arratsaldezko ordutegia izango du eta kuota 140 eurokoa izango da”, argitu dute.
Datorren astean egingo da aurretiko izen ematea, hilaren 13tik 18ra. Gazte Informazio Bulegoan (iGazte) egin daiteke, astelehenetik ostiralera 16:30etatik 19:30era eta larunbatetan 10:00etatik 13:00etara. Aurten
Internetez ere eman daiteke izena. Informazio gehiago behar duenak programako
eskuorrian lortuko du. Bestela, iGazte bulegora dei dezake, 943 64 47 52 telefono zenbakira.