Hondarribia, "toperaino" aste santuan

Ostiralean 727 turista hurbildu ziren Arma Plazako turismo buelgora, larunbatean 636, ostegunean 522, igandean 480, eta Pazko astelehenean 303. Turista gehienak Euskal Herritik, Herrialde Katalanetatik eta Madriletik etorri dira aste santuko oporraldian.

Asier Perez-Karkamo

Hondarribia

2015/04/09

Antolatutako bisita gidatu guztiak bete egin dira aste santuan

3.400 bisitatik gora jaso ditu aste santuan Arma Plazako turismo bulegoak, 3.407 zehazki, azken urteotako daturik onena izanik, ez da harritzekoa udalaren balorazio positiboa, Lupe Olacoaga Turismo zinegotziak herria “toperaino” egon dela adierazi baitu: “Eguraldi ona, Ostiral Santuko prozesioak eta Hondarribiaren erakargarritasuna batuta, azken urteotako aste santurik onena izan da. Egun sendoenak ostirala, larunbata eta osteguna izan dira, hurrenez-hurren. Igandea eta astelehenean ere jende ugari ikusi da, baita Aste Santuko lehen egunetan ere”. Lupe Olaskoaga Turismo zinegotziak adierazi duenez, “Arma plazatik [turismo buelgotik] egun hauetan etengabe lan egin da. Goizeko bederatziak eta erdietatik 19.30ak arte ireki da etengabe, eta bertatik kontatzen digutenez, ostegunean, ostiralean eta larunbatean etengabekoa izan zen turisten etorrera”. Hala, ostiralean bulegotik 727 turista pasa ziren, larunbatean 636, ostegunean 522, igandean 480, eta pazko astelehenean 303. Turista gehienak Euskal Herritik, Herrialde Katalanetatik eta Madriletik etorri dira aste santuko oporraldian. Aurretik, herria promozionatzeko lanean jardun du udalak eta bisitarien kopurua promozio lan horren emaitza ere badela uste du Olascoagak: “Iaz bezala, Hondarribiko turismo liburuxkak inguruko herrietako turismo bulegoetan eta zenbait hotel eta nekazal turismoetan banatu dira. Gipuzkoa osoan banatu ditugu alde batetik, eta Iparraldean Baiona arte gauza bera. Ia 4000 liburuxka banatu ditugu eta ikusita egun bateko bisitari kopurua handia dela, badirudi asmatu dugula”. Jende asko espero zela ikusita, Arma Plaza Fundazioak bisita gidatuak antolatu zituen egunero egiteko, eta erantzun ona izan dute. Bai Alde Zaharrekoak, baita Guadalupeko gotorlekuan egin diren bisita guztiak bete egin dira. Gainera, herritarrek ere parte hartu dutela nabarmendu du fundazioak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.