Adarrots folk taldeak kontzertu berezia emango du larunbatean
Hondarribiko Banako taberna joko dute, 20:00etan. Bizkaiko taldeak hamar urte bete ditu eta Adarraren Hotsa. Nahia egi bihurtzearen bidea CD-DVDa kaleratu du ospatzeko. Urte bakoitzeko abesti bat hautatu eta proiekzioez lagunduta kontzertua emango dute.
Hamar urte, hamar abestietan laburbilduta. Proposamen hori eramango du Hondarribiko Banako tabernara Adarrots folk talde bizkaitarrak. Sortu zirenetik hamar urte pasa zirela ospatzeko, Ezkerraldeakoek Adarraren Hotsa. Nahia egi bihurtzearen bidea kaleratu zuten 2014 urte bukaeran, eta larunbatean Banakon aurkeztuko dute.
Hamar urte egin berri ditu Adarrotsek eta ibilbide hori DVD formatuan bildu dute, argazki, bideo, elkarrizketa, doinu eta abarrekin. Eta zaleekin partekatzeko, taldeak egin dituen hamar urte bakoitzeko abesti bana hautatu dute, eta proiekzioez lagunduta ari dira kontzertuak ematen. Banakon, hilaren 17an ospatuko dute hamargarren urteurrena, 20:00etatik aurrera.
