Sorosle eta lehen sorospen ikastaroa, hilaren 12tik, Oiartzunen
Hilaren 30era arte iraungo du, eta eskolak astelehenetik ostiralera izango dira, Haurtzaro Ikastolan, 18:30etik 20:30era. Matrikularen prezioa 110 eurokoa da.
DYA Gipuzkoaren eskutik, sorosle eta lehen sorospen ikastaroa egingo dute Oiartzunen. Hiru astekoa da, eta hilaren 12an hasi eta 30ean bukatuko da: astelehenetik ostiralera dira eskolak, 18:30etik 20:30era. Ikastaroa osoki euskaraz da, eta Haurtzaro Ikastolan egingo dute.
Ikastaroan parte hartzeko ez da beharrezkoa aldez aurretik sorosle edo sorospen ezagutzak izatea. Horrela, DYAren arabera, eskoletan “ezagutza oso arruntak” ikasiko dituzte parte hartzaileek, “egunerokotasunean aurki daitezkeen egoerei nola erantzun irakatsiko dugu”.
Ikastaroaren bukaeran proba bat egingo diete parte hartzaileei. Hori gainditzen dutenek DYA Gipuzkoak ematen duen Sorosle Titulua jasoko dute.
Matrikularen kostua 110 eurokoa da, eta ikasleen kopurua mugatua da, “ikastaroaren kalitatea bermatzearren” DYAren esanetan. Izena emateko edo informazio gehiago lortzeko honako telefono zenbakira deitu behar da: 943 46 46 22.