
Gaur eta bihar jokatuko dituzte Txosten pasakako txapelketako partidan, kasu honetan Iturriotzen, Kontzejupean hainbat kultur ekitaldi izango direlako asteburuan. Hortaz, bihar (larunbata) eta etzi izango dira lehiak.

Trenbidea lur azpitik bideratzeak eragingo dituen aldaketak kontuan hartuta espazioen berrantolaketa aztertu nahi dute herritarrekin batera Denon artean eta denontzako Antxo eraikiz izenburupean parte hartze prozesua abiatu nahi du Udalak udazkenean. Atzo jakinarazi zuen asmoa Izaskun Biurrun alkateordeak, plenoan, PSE-EEk Biteri plazarako urbanizazio planaren gainean aurkeztutako mozio baten harira. PSE-EEren mozioak ez zuen aurrera egin, PPren eta EAJren babesa lortu arren, Bilduk eta EBk kontra botatu zutelako.

Eguraldia lagun izateko itxaropenaz ekingo diote gaur Trintxerpen karmenak ospatzeari. Gaur iluntzean hasiko dira jaiak, eta asteazkenean bukatuko dira, Karmengo Amaren egunean.

Bidasoa: eskualde bat hiru hizkuntza. Kudeaketa programa eleaniztun baterantz izenpeko ikerketaren emaitzak aurkeztu ditu gaur goizean Langunek Ficoban antolatutako jardunaldian. Horren arabera, "eleaniztasuna areagotu nahi da eskualdean, enpresen lehiakortasuna areagotzeko eta hiritarrek gizarte-kohesio handiagoa izan dezaten, lan-merkatu bakarra sortuz".

Orain dela urtebete hil zen Inaxito Albisu omendu nahi dute hainbat herritarrek. Jakinarazi dutenez, Mikelazulo elkartean bilduko dira hilaren 16an, asteazkena, 19:30ean. Sormen jaialdi bat egitea dute buruan, Espaloietan Oinutsiken antzekoa.

Etzirako antolatu dute Trintxerpen Julio Montoya Oroitaldiaren XXV. aldia. Karmenen jaien barruan antolatzen du urtero herri lasterketa Klub Atletiko Trintxerpek.

Erromeria Egunaren XVI. ekitaldia ospatuko dute hilaren 19an Errenteria-Oreretan. Ereintza dantza taldekoek hainbat dantza talde eta musikari gonbidatu dituzte, baita casteler-ak ere.

Pasaiako kale garbiketa publikoa izango da berriz ere zortzi urteren ondoren. Hala iragarri dute gaur Amaia Agirregabiria alkateak eta Miguel Mari Torrea zinegotziak Arizabalon eman duten prentsaurrekoan.

Sanferminetan Beteranoen danborradako kantinerarentzako jantzi berria egin ahal izateko zozketa baterako txartelak saldu dituzte, eta Jai Batzordeak jakinarazi duenez, aipatu zozketa 724 zenbakia izan da saritua. Irabazleak 250 euro jasoko ditu.

Steven Seagalek glamourra emango dio Blues Jaialdiaren abiapuntuari, Bentan. Lau egunez hainbat estiloren bidegurutzea izango da; New Yorkeko Taj Mahal handia omenduko dute aurten eta Texasen darabilten bluesa gertutik ezagutzeko aukera izango da.