Igandeko genero erasoa salatzeko elkarrateratzera deitu du TASek

39 urteko gizonezko bat atxilo eraman zuen igandean Ertzainak bikotekidea autotik indarrez bota eta abiada handian gidatzeagatik; Iparralde etorbidean, Irungo Ertzain Etxearen ondoan izan ziren gertakariak.

admin

Bidasoa

2014/12/02

Elkarretaratzera deitu du bihar TASek

Txingudi Anti Sexista plataformak kontzentraziora deitu du bihar arratsaldean, Gernikako Arbolan, Iparralde etorbidean, 19:30ean. Azaroaren 30ean igandearekin izandako eraso sexista salatzeko helburuarekin luzatu dute deialdia plataforma osatzen dute eragile eta elkarte ezberdinek. Ertzaintzak jakinarazi duenez, igandean, abiada handian gidatzen zuen auto bat ikusi zuten Iparralde etorbidean, Ertzain Etxearen ondoan. Gidaria eta ondoan zegoen emakumea “liskarrean ari zirela” ikusi zuten ertzainek komisariatik bertatik. “Segidan autoa biribilgunetik irten eta bide erdian” gelditu zela adierazi dute, “emakumea autotik indarrez atera zuen, ihes egiteko asmoz”. Hori horrela, emakumea gizona gelditzen saiatu zen “ihes egin ez zezan”, baina gizonak “eraso egin zion une horretan”. Gizonak ihes egin zuen orduan “abiada handian, emakumea bera eta gainerako erabiltzaileak arrisku handian jarriz”. Handik gutxira gelditu zuen Ertzaintzak gizona eta adierazitakoaren arabera, “erraz antzematen zitzaion alkoholaren eraginpean zegoela”. Hala, atxilo eraman zuten gidaria hainbat delitu egotzita, hala nola: Genero indarkeriagatik, ausarkeriaz gidatzen bide segurtasunaren aurka egiteagatik, alkohol proba egiteari uko egin izanagatik, eta agenteei aurre egiteagatik eta ez obeditzeagatik. 39 urteko atxilotua atzo utzi zuten Irungo guardiako epailearen esku. Ertzaintzak adierazitakoaren arabera, “delitu aurrekari askoren jabea da gizona”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.