Oiartzungo aurrekontu parte hartzaileen lau bilera, aste honetan
Asteazkenean, ostegunean eta ostiralean egingo dituzte, Ergoien, Elizalde, Arragua eta Altzibarren.
Oiartzuarrek 160.000 euro non inbertitu erabakitzeko ahalmena izango dute, 2015eko aurrekontuetan hori txertatzeko. Zehazki, 20.000na euro auzo bakoitzeko. Inbertsio horiek zertan egin erabakitzeko batzarren bigarren fasean daude murgilduta oiartzuarrak, eta horren harira, aste honetan beste lau batzar egingo dituzte beste hainbeste auzotan. Honakoak dira:
- Hilak 26, asteazkena, Ergoiengo Auzokalte elkartean 20:30ean.
- Hilak 27, 19:00etan, Elizalden, udaletxeko areto nagusian.
- Hilak 27, 19:30ean, Arraguako Aldeguna elkartean.
- Hilak 28, ostirala, Altzibarko eskoletan.
