Hasi dute San Pedro Pysbeko parte hartze prozesua

Parte hartze prozesuaren bigarren eta azken bilera hilaren 29an egingo du udalak San Pedro Pysbeko bizilagunekin.

admin

Bidasoa

2014/11/20

San Pedro Pysbeko iturria

Joan den larunbatean egin zuten elhenengo bilera San pedro Pysbeko auzotarrek eta udal ordezkariek. 50.000 euro inbertituko ditu udalak bertan, aurretik altamira auzoan egin zuen bezala, auzoko azpiegiturak hobetzeko asmoz. Proposamena eraman zuen udalak auzorako: bidea garbitzea eta koskak kentzea; iturria konpontzea, neguan ura isuri eta izoztean arazoak sortzen dituelako; plazako zuloak ixtea; metalezko barandak margotzea; eta eskilerak eta asfaltoa konpontzea. Bileran parte hartu zuten auzotarrek begi onez hartu dutela prposamena zehaztu dute udaletik eta halaber, ekarpenak egin zituztela gaineratu dute: “Besteak beste, argiteria konpontzeko eskatu dute, zenbait etxeetan enbarazu egiten duten zuhaitzak kentzea, errepidean margo lanak egitea autoek ez aparkatzeko edo eta sotoetako etxabeak plakekin identifikatzea. Auzotar batek bi auzoak batu eta irisgarritasuna hobetzeko proposamena egin zuen”. Balorazio baikorra egin du ainhoa Zabalo alkateak lehen bileraren gainean, eta gustura azaldu da parte hartze prozesuak eman duenarekin: “Dozena bat lagun elkartu ginen lehen bileran, baina zenbakitik harago, erakutsitako jarrera nabarmenduko nuke, oso aktiboa izan zelako”. Bideragarritasuna aztertu Lehen bilera amaituta hamabost eguneko epea du orain udalak auzotarrek egin dituzten proposamenen bideragarritasuna aztertzeko. Horren gaineko emaitzak hilaren 29an egingo den bigarren bileran aurkeztuko dizkie udalak auzotarrei, eta egun horretan bertan erabakiko da zein ekipamendu hobetu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.