Bazkaria egingo dute igandean Kalean Kantuz eta gero
Bazkarirako txartelak 20 euroan eros daitezke Kai Alde Gozotegian, Alzaga urdaitegian, Batzokian edota Klink Elkartean.
Igande honetan, hilak 23, euskal abestien zaleek galdu ezinezko zita dute Hondarribiko Damarri plazatxoan, Zumardiaren parean, 12:00etan hasiko den Kalean Kantuz egitasmoko saioan. Ondoren bazkaria egingo dute.
Hondarribiko Udaleko Euskara Zerbitzuak dei egin die herritarrei, eta bisitariei, lotsa galdu eta parte har dezaten. Ohi bezala, inguratzen direnei abestuko diren kanten letrak dituzten orriak banatuko zaizkie, “eta kantatzeari ekingo zaio giro ezin hobea sortuz”.
Kalean Kantuz saioa amaituta, bazkaria egingo dute Klink Elkartean. Nahi duenak txartelak eros ditzake, honako lekuetan: Kai Alde Gozotegia, Alzaga urdaitegia, Batzokia eta Klink Elkartea. Bazkariaren prezioa 20 eurokoa da.
