Trafiko aldaketak Behobia-Donostia lasterketa dela eta
06:30etik 13:00ak arte Behobia auzoko errepide nagusia moztuta egongo da; 09:00etatik 12:00etara bitartean, Irungo erdialdea ere trafikoari itxita egongo da.
Zenbait trafiko aldaketa izango dira igandean hilaren 9an Behobia-Donostia lasterketa medio. Hori dela eta, 06:30etik 13:00ak arte Behobian kokatutako (N121-A) Zaisa III biribilgunetik eta Gi-636 errepideko (N1) Osinbiribileko biribilgunera bitarteko tartea ibilgailuentzako itxita egongo da. Nafarroatik Irunera edo alderantzizko bidea egin nahi duten ibilgailuak Zaisa III-ren goialdetik (Antton Ttipi kalea) eta Blaia kanposantutik desbideratuko dituzte.
Bestalde, 09:00etatik 12:30era bitartean, Irungo erdialdea trafikoari itxita egongo da. Beraz, Nafarroa etorbidean, Colon ibilbidean, Gipuzkoa hiribidean, Elizatxo hiribidean eta Landetxa-Katean moztuko dute trafikoa.
