'2012' filmarekin zine apokaliptikoa iritsiko da Gazte Xaiara
Ostiralero gai zehatz bati lotutako proiekzioak emango dituzte Puntaleko eskola zaharrean, 22:00etan. Urrian zine kinkia landu zuten.
Ostirala gauean, 22:00etan, 2012 pelikula proiektatuko dute Puntaleko eskola zaharrean (Gazte Xaia). Hondarribiko Gazte Asanbladak antolatzen duen Zinemira programaren barruko ekitaldia da, Zinema Apolaliptikoa zikloko lehena —urrian Zinema Kinkia landu zuten eta abenduan Zinema Konparatua emango dute—.
Zine apokaliptikoa landuko dute azaroan Gazte Xaian. 2012 filma eta gero, gaiari lotutako beste hiru pelikula jarriko dituzte: Hilaren 14an, Stanley Kucriken ¿Teléfono rojo? Volamos hacia Moscú emango dute, 21ean Lars von Trierren Melancholia, eta 28an Cuando el viento sopla, Jimmy Murakamirena. Emanaldi guztiak doan dira.
