Txaranga hartu-emana antolatu du Abiyuanek ostiral eta larunbaterako

Bi egunez, Godella herriko (Valentzia, Herrialde Katalanak) Xaranga L'Aixequellak eta Abiyuanek berak herriko kale eta plazak girotuko dituzte. Larunbatean herri bazkaria egingo dute, denei irekia.

admin

Bidasoa

2014/07/29

Abiyuan txarangako kideak

Hondarribiko I. Txaranga Hartu-emana egingo dute ostiralean eta larunbatean, Abiyuanek antolatuta. Bi egunez, Godella herriko (Valentzia, Herrialde Katalanak) Xaranga L’Aixequellak eta Abiyuanek berak herriko kale eta plazak girotuko dituzte, eta beste hainbat ekitaldi prestatu dituzte egitarau zabala osatzeraino. Ostirala elkar ezagutzeko baliatuko dute bi txarangek. Abiyuanekoek herria erakutsiko diete valentziarrei, eta elkarrekin bazkalduko dute Guadalupen. Bazkalostean hondartzara joango dira eta, 19:00etan, batera entseatuko dute, igandeko jarduna prestatzeko. Afaria Klink elkartean prestatuko diete. Eta larunbatean herrian zehar ibiliko dira jotzen, 12:00etatik bazkaltzeko ordua iritsi arte. Herri bazkaria egingo dute igandean, herritarrei irekita. Bazkarirako txartelak ostegun eguerdira arte eros daitezke, Alzaga urdaitegian, Kai Alde gozodendan edo Klink elkartean. “Animatu eta apunta zaitez. Menu ederra eta giro ezin hobea egongo da”, esan du Abiyuanek. Menuak 20 euro balio du eta postrearen ondoren kafea eta dantza zerbituko dituzte. Hartu-emana bukatzeko, tabernaz taberna joango dira kalejiran, 21:00ak arte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.