Hamahiru buzoi jarri dituzte Oiartzungo auzoetan, herritarren ekarpenen zain
Aurreko astean iragarri moduan, Oiartzungo Udalak buzoiak jarri ditu auzoetan herritarrek auzo horietan dituzten beharren, edo hobetzeko ikusten dituzten gaien gaineko ekarpenak egiteko. Hamahiru dira denera, eta beherko zerrendan daude. Gainera, erraztasun gehiago eman asmoz, posta elektronikoa ere jarri dute, honakoa: auzoeskaerak[a bildua]oiartzun.org.
Hilaren 18ra arte egongo dira buzoiak jarrita. Horien ondoan eskaerak egiteko orriak daude, eta bertan, eskaeraz gain, hainbat datu bete beharko dira. Posta elektronikoaren bidea hautatzen dutenek adina, generoa eta auzoa zehaztu beharko dituzte.
Buzoien kokalekuak:
- Altzibar: Zalakain harategia.
- Arragua: Gorostiaga farmazia.
- Elizalde: udaletxeko informazio bulegoa eta udaltzainen gunea; Elorsoro kiroldegia eta Manuel Lekuona Biblioteka.
- Ergoien: Auzokalte elkartea eta Tolare.
- Gurutze: Galdos eta Toki Alai tabernak.
- Iturriotz: Jai batzordearen buzoia.
- Karrika: plaza.
- Ugaldetxo: Intxixu erretegia.
