Ingelesek hartu dute Guadalupeko gotorlekua, era baketsuan

Gotorlekuetan aditu diren Fortress Study Group taldeko 40 ikerlarik Guadalupeko fuertea bisitatu dute orain gutxi, Arma Plaza Fundazioak jakinarazi duenez. Mendebaldeko Pirinio mendietara egin dute bidaia eta beste hainbat azpiegitura militar bisitatu dituzte, hala nola, Iruñea, Jaka eta Canfranc herrietakoak eta Oiartzungo lubaki eremua.

admin

Bidasoa

2014/07/04

Aditu taldea, gotorleku kanpoko garitan

Gotorlekuetan aditu diren Ingalaterrako Fortress Study Group taldeko 40 ikerlarik Guadalupeko fuertea bisitatu dute orain gutxi, Arma Plaza Fundazioak jakinarazi duenez. “Nazioarteko elkarte honek egoitza Erresuma Batuan du, eta 1975ean sortua da, hain zuzen ere babes arkitekturan eta bere armamentuan sakondu eta horren gaineko informazioa zabaltzeko. Jarduera asko burutzen ditu, besteak beste urtero ikerketa bidaia bat”. Aurten, bidai hori mendebaldeko Pirinio mendietara egin dute eta hainbat azpiegitura militar bisitatu dituzte, hala nola, Iruñea, Jaka eta Canfranc herrietakoak, Oiartzungo lubaki eremua eta Hondarribiko gotorlekua. Fundazioak azaldu du iaz hasi zirela bidai hori prestatzen: “Joan den urtean batzar bat Guadalupeko gotorlekura etorri zen, Keith Phillips bidaiaren arduraduna buru zuela, eta Arma Plaza fundazioko langileen azalpenak jaso ondoren gotorlekua aurreikusitako bidaian txertatu zuen”. Asteburutan bisitak publikoarentzat Iraila arte, larunbat, igande eta astelehenetan bisitatu daiteke Guadalupeko gotorlekua. Larunbat eta astelehenetan tren berdean igo daiteke Guadalupera herritik. Igandetan, berriz, falkoneria ikuskizunaz gozatzeko aukera izaten da gotorlekuaren barruan. Horietaz guztiez eta beste aukerez galdetzeko Arma Plazako turismo bulegora deitu behar da (943 64 36 77) edo informazioa posta elektronikoz eskatu. Guadalupeko gotorlekuko eskuorria

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.