
Bidasoa Bizirik-ek egindako diploma banaketa, kontserbatorioan
Irungo eta Hondarribiko udalek, Bidasoa Bizirik garapen agentziaren bitartez, 2013-2014 ikasturteko enplegurako zikloa bukatutzat eman zuten atzo, Irungo Udal Musika Kontserbatorioan egindako ekitaldiaren ondoren. 200 bat lagunek parte hartu dute prestakuntza zikloan.
Mota ezberdinetako 14 prestakuntza ziklo gauzatu dituzte ikasleek Bidasoa Bizirik-en bidez; hala nola, ile apainketarako laguntzailea, web eta app garapena, gune irekien garbiketa, frantsesa maila ezberdinetan…
Horiek horrela, ikasturte honetan parte hartu duten ikasleen artean, %54,37a gizonezkoak izan dira eta %45,63 emakumeak. Adinari dagokionez, %65,05a 35 urtetik beherakoak izan dira; %19,42a 35 eta 45 urte artekoak; eta gainontzekoak, 45 urtetik gorakoak.