30. urteurreneko logoa
30 urte bete ditu aurten
Haurtzaro Atletismo Taldeak. Horren harira, bazkaria egingo dute larunbatean Haurtzaro Ikastolan bertan. Horren aurretik, baina, hainbat proba egingo dituzte taldekideek, 14:00etan bazkaltzen hasi aurretik: 11:00etan. Bazkarira joateko eskatu diete modu batera edo bestera ikastolaren kirol taldearekin harremana izan dutenei. Horiei aitortza egiteko, besteak beste, euren webgunean
argazki zaharren bilduma jarri dute.
Izena emateko hainbat bide jarri dituzten Haurtzarokoek.
Posta elektroniko bidez eman daiteke izena,
Hartzaroren Facebook bidez baita ere, nahiz 665 726 862 telefono zenbakira deituta. Haur, gazte eta langabeen txartelaren prezioa 5 eurokoa da, helduena, berriz, 10 eurokoa.
Ondoko testuan urteurrenari begirako asmoaren berri eman dute Haurtzarokoek:
“Ez genuen 10. urteurrena ospatu, ezta 20. urteurrena ere. Baina aurten ez dugu denak elkartzeko aukera pasatzen utzi nahi. Batzuk burusoilduta egongo zarete dagoeneko, beste batzuk, sekulako triparekin; edo baten bat, agian, korrika ibiliko da oraindik. Baina badugu denok lotzen gaituen zerbait: Haurtzaro Atletismo Taldeko kide izan izana.
30 urte pasa dira 1984. urtean lehenengo taldea osatu zenetik. 30 urte eta milaka entrenamendu, proba edo lasterketa. Oroitzapen horiek guztiak elkarbanatu eta egun berezi bat igaro nahian, hitzordua jarri dugu”.
