Tamara Sastre: "Haurrak oporretan baina garuna lantzen"
Oporrak iristear daude eta gure seme-alabekin udaz gozatzeko unea izango da. Datozen bi hilabeteetan, haurrek kurtso osoko estresa alde batera utzita, lagunekin jolasteko eta udak eskaintzen dituen baliabide guztiak ondo aprobetxatzeko aukera izango dute, baina adi! Bi hilabete hauetan ere buruari eragin beharko diote eta hortaz bideo jokoen eta telebistaren erabilera kontrolatu beharko dira. Ezin dugu ahaztu, garuna muskulu bat dela eta hortaz berak ere egunero kirola egin behar duela. Hona hemen ideia batzuk gure haurrek jolasen bitartez garuna landu dezaten.
- Erosketak familian: erosketak egin behar direnean seme-alabek asko lagundu dezakete, etxean produktuen lista prestatu eta orri batean erositako elikagaien prezioak apuntatu behar dituzte, ea gai diren erositakoaren zenbatekoa den asmatzen, preziora gehien hurbiltzen dena postrea aukeratuko du.
- Gure herriko liburutegietan mundu zoragarria dago, tartetxo bat hartu eta bertara joan, haurrek liburu bat aukeratu dezatela eta gauetan ohera joan baino lehen denak elkarrekin irakurri dezakezue, aita eta amarekin irakurtzea askoz ere dibertigarriagoa da!
- Eskulanetan ere burua lantzen: eskulanak egitea irudimena lantzeko aukerarik paregabeena da, seme-alabek etxean ditugun aldizkari edota egunkari zaharrak erabili ditzakete collage ederrak osatzeko.
- Parkean aukera ugari: gure herriko parkean ginkana moduko bat antolatu daiteke, parkea txokoetan antolatu eta txoko bakoitzean proba bat aurrera eraman, asmakizunak, ariketa fisikoak, buru kalkulua etab. Deskantsatu, indarrak hartu eta batez buruari eragin!
